Nor gara?


Nor gara?

Lautadan, Ahobizi eta Belarriprest metodologiaren sustatzaile gara: Lautadako Euskararen Komunitatea (56 herrien herritarrez eta entitate pribatuz osatuta), Lautadako Kuadrilla, 8 udalak eta 46 Batzar Administratibo.

Arabako Lautadan 63 herri daude, 12.965 biztanle, %35,03 euskara hitz egiteko gai, beste %18,99 euskara ulertzeko gai.

 


Nortzuk izan daitezke sustatzaile Lautadan?

Edozein kolektibo, elkarte, klub, erakunde, lantegi, denda, taberna eta herri izan daiteke sustatzaile. Lautadan 500 entitate inguru daude.
Entitate sustatzaile guztiak Lautadako Euskararen Komunitatearen kide izan daitezke.

Zer egin behar du sustatzaile batek?

1. 2018an, Ahobizi / Belarriprest metodologiaren zabalkundea egin behar du bere eremuan. Bere eremua bere inguruko pertsonak dira: langile, bazkide, bezero, herritar… Zabaldu behar du informazio orokorra, albisteak, agenda, portaeraren gida, izena emateko kanpaina… Sustatzaile baten helburua izango da bere eremuan ahalik eta pertsona gehien Ahobizi edo Belarriprest roletan izena ematea, eta azaroaren 23tik abenduaren 3ra arte txapa eramatea.

2. 2019an, entitate horren eguneroko aktibitatean edo funtzionamenduan Ahobizi / Belarriprest metodologia inplementatzea, hau da, bere funtzionamenduan metodologia hau praktikan ipintzea. Helburua izango da neurriak hartzea langileek, kideek, bezeroek Ahobizi eta Belarripresten hizkuntza portaerak praktikan ipini ahal izatea eroso eta naturaltasun osoz.

Zabalkundea egitea eta inplementatzea bere aginte organoetan erabakiko du, eta beharrezko baliabideak jarri beharko ditu: komunikazio tresnak, aurkezpenak, kideen prestakuntzarako bideak, baliabide ekonomikoak… Azken hau, entitatearen izaeraren, beharren eta aukeren arabera definituko da.


Nortzuk dira sustatzaile Lautadan?
(Zerrenda eguneratuta urriaren 12an)

1.- Udalak: Arabako Lautada eskualdea 8 udalez osatuta dago. Hauxe da gure sustatzaileen 1.sarea.
Zortzi udalak sustatzaile dira, Udal Batzarretan onartu dute Ahobizi/Belarriprest metodologia sustatuko dutela instituzioaren baitan eta herritarren artean. Horretaz gain, ekimena finantzatuko dute Lautadako Kuadrillarekin batera.

2.- Herriak: Udalerri bakoitzaren baitan dauden herriak, guztira 63, sustatzaileen 2.sarea dira. Herri hauen aginte organoak Batzar Administratiboak dira. Berdez marratuta daudenek erabaki dute Ahobizi/Belarriprest metodologia  sustatuko dutela 2018an. Berdez marratuta ez daudenak bidean daude.

3.- Kolektiboak, establezimenduak, erakundeak eta lantegiak: Maiatzetik aurrera 3.sare osatzen dutenei proposatuko zaie sustatzaile izateko, hau da, izen ematea eta prestakuntza sustatu beharko dute bere kide, bezero, langile edo bazkideen artean. Arabako Lautadan 500 entitate inguru daude.

 

 

Sustapen lana egingo duten entitateak identifikatuko dira eta baita bere kideak ere; identifikazioa lagungarria izango da stress linguistikoa murrizteko.

4.- Norbanakoak: Handia da norberak duen eragiteko aukera. Bere inguru hurbilenean (lankideak, lagunak, auzokideak, senideak, ikaskideak) Ahobizi eta Belarriprest asko edukitzea guztioi interesatzen zaigu. Hauxe da 4.sarea. Pertsona batek Hamaikako bat bilatzea proposatzen dugu. Proposatu zure ingurukoei Ahobizi eta Belarriprest izateko.

Arabako Lautadan, 16 urtetik gorako 11.008 biztanle daude. 2016ko datuen arabera, %35 euskalduna da, eta beste %18 ia-euskalduna. Aurreikuspen bat egin dezakegu 382 lagun izan daitezke ahobizi eta 638 belarriprest.

Lau sare hauen sustatzaileok Lautadako Euskararen Komunitatea osatzen ari gara. 2017ko urriaren 19an elkartu ginen lehendabiziko aldiz, Agurainen.