Ahobizi naiz

2018ko Euskaraldian izena eman zenuen, 11 egunetan zehar txapa jantzita hizkuntza jokaera berriak probatu zenituen. Ahobizi izatea ez zen erraza izan. Hizkuntza ohiturak ingurukoekin batera aldatzen ditugu: lankideekin, elkarteko kideekin, talde kideekin… Ahobizi eta Belarriprest errazago izateko, zure inguruko entitate guztiek erantzukizuna dute; erraztasunak eman behar dizkigute.

2019tik hasita, Lautadako lantegiak, elkarteak, udalak, establezimenduak, kontzejuak antolatzaile izan daitezke. Entitateek bere eguneroko funtzionamenduan Ahobizi eta Belarriprestei erraztasunak emateko neurriak hartuko dituzte. Eskatu Euskaraldia antolatzeko zure entitatearen barruan. Bi data hauetan antola dezakete:
-2019an, urriak 21-27, Lautadan simulakroa egingo dugu.
-2020an, azaroak 20-abenduak 4, Euskal Herri osoan Euskaraldia egingo dugu.

Hemen duzu zer egin behar den entitate batean Euskaraldia antolatzeko.

Bitartean, txapa soinean eraman gabe jarraitu Ahobizi izaten, bihurtu ohitura bat. Kontzentratu bi jokaera hauetan, errepikatu eta errepikatu ohiturak bihurtu arte:

  • Euskaraz ulertzen duten GUZTIEI eta BETI euskaraz egin, hau da, zuk euskarari eutsi nahiz eta solaskideak erdaraz erantzun. Ulertzen dizun bitartean, zergatik erdara pasatu? Zuk euskaraz nahiago duzu, ezta?
  • Ezezagunei euskaraz egin haiek esan arte ez dizutela ulertzen.

Ahobizi izatea zaila da, arau sozial bat urratzeko prest egon behar zara, une askotan egoera behartzen ari zarela sentituko duzu. Ez esan Ahobizi zarela ez badituzu aurreko bi portaerak egunerakoan egiten. Izan koherente zure buruarekin, gai ikusten ez baduzu hartu askatasun gehiago eta izan zaitez Belarriprest.

Hemen dituzu Ahobizi izateko gomendio batzuk