ENTITATEEK NEURRIAK HARTZEKO ZIKLOA: 2019-2020KO EUSKARALDIA
Entitateen hizkuntza araua erdaratik euskarara aldatzea edo euskara finkatzea helburu.
Ariketa: 2020an, azaroak 20-abenduak 4, Euskal Herri osoan
Zer egin behar du entitate batek?
1.- Entitateko erabaki gunean proposamena aztertu
2.- Entitateko kideen euskara-ezagutzaren azterketa egin: Arigune posiblerik bai edo ez?
3.- Entitateko arduradunek arigune posibleen kideen adostasuna lortu: Arigune gisa edota norbanako gisa?
4.- Entitateak izena eman: Arigunea bai edo sortzeko nahia
5.- Neurriak hartu ariketa egiteko, Arigunean edo norbanako gisa
6.- Ariketa egin Arigunean edo norbanako gisa
7.- Neurriak egonkortu: Ariguneak aktibatu, sortu, babestu
ARIGUNEA
Elkarte, lantegi, denda, ikastetxe edo instituzio bateko funtzionamenduan dagoeneko eratuta dagoen taldea edo espazioa da eta hizkuntza-praktikak euskarara aldatzea edo finkatzea du helburu.
Arigunea entitateak sustatzen du ariguneko kideen adostasunarekin, erabaki kolektiboa hartuta.
Ariguneetan belarriprest eta ahobizi izatea askoz errazagoa da.
Barne funtzionamenduko arigunea
Entitatearen berezko talde bat: sail bat, klubeko talde bat, atal bat, sekzio bat…
Talde horretan kideen %100ek euskaraz ulertzen du eta kideen %80 ados dago ahobizi edo belarriprest roletan parte hartzearekin Euskaraldiak irauten duen bitartean. Gutxienez bi lagunez osatua dago.
Herritarrekiko harremanetarako arigunea
Entitatean herritarrekiko harremana egiten duen pertsona da: dendaria, telefonoa hartzen duena, harrerakoa, entitatearen arduraduna edo ordezkaria… Horrek euskaraz ulertzen badu herritarrekin arigune bat sortuko du. Entitateak bermatu behar du Euskaraldiak irauten duen egunetan, uneoro, herritarrekin harremana egingo duen kide bat belarriprest edo ahobizi izango dela.
IZAN ZAITEZ AHOBIZI ETA BELARRIPREST:
2018ko Euskaraldian bezala, herritarrok ahobizi edo belarriprest izaten jarraituko dugu, ahal dugun etxekoekin, ezagunekin, kuadrillakoekin, ikaskideekin, ahal dugun lankideekin eta sor daitezkeen arigune berrietako kide guztiekin. Hori da edizio berriaren berrikuntza: arigunea.
Zure inguruko entitate mota guztiek erraztasunak emateko erantzukizuna dute. Eskatu erraztasunak zure lantokian, elkartean, dendetan…
Nik erabakitzen dut euskaraz edo erdaraz norekin eta noiz hitz egin; nire gaitasunaren, ohituraren, gogoaren, baimenaren, solaskidearen eta egoeraren arabera.
Ahal dudan guztietan euskaraz egingo dut, baina agian erdaraz erantzungo dut. Hori bai, euskaraz ulertzen dut eta jendeak niri euskaraz egitea nahi dut.
Bi konpromiso hartu ditut:
1.- Ulertzen duten GUZTIEI BETI euskaraz egingo diet, nahiz eta solaskideak erdaraz erantzun. Nik euskaraz, berak ulertzen du eta.
2.- Ezezagunei euskaraz egiten diet, haiek kontrakoa eskatu arte.
Kontuz! Ahobizi izatea zaila da. Izan zaitez koherente zure buruarekin, ez esan Ahobizi zarela ezin badituzu konpromisoak bete. Belarriprest-ak erabakitzeko lizentzia har dezake norekin eta noiz euskaraz egin
AZKEN ALBISTEAK
Mintegian izena emateko epea irekita dago
Martxoaren 26an, osteguna, 9:30etik 13:30tara, Dulantzin, Euskaraldiaren hizkuntza-praktika berriak talde batean nola adostu prozesuan sakontzeko mintegi bat antolatuko dugu, ondorengo izenburuarekin: Nola adostu talde batean Euskaraldiaren hizkuntza-praktika berriak?...
Lautadako ALEA Lautadako etxe guztietan buzoneatu dugu
2019an albistea izan zena eta gaur aktualitatean dagoena Lautadako ALEAn jaso dugu. Arabako ALEAn lankidetzan ekoiztu dugu, Lautadako hainbat entitatek publizitatea jarri dute. Lautadako etxe guztietan buzoneatu dugu eta herrietako hainbat lekutan eskura daiteke....
Topaldian azaldu dugu Lautadako Euskararen Komunitatea
Topaguneak antolatutako 2020ko Topaldian egon gara. Euskaltzale mugimendua nola antolatu edo birantolatu ari denen esperientziak azaldu eta aztertu dira. Lautadako esperientzia azaldu dugu. Eragile sozialen arteko antolakuntza hil ala biziko kontu bat da eraginkorrak...
HARREMANA